點樣同個13至18個月的BB玩？
應該點樣同個13至18個月的BB玩？
嚟到呢個年齡，小朋友嘅情感同語言都慢慢成熟，並經常探索佢地嘅世界🌍
小朋友會不斷探索物件嘅用途，例如會好似韓森咁掃晒啲玩具落地，用筆亂塗亂畫。知識往往係由錯誤中學習，所以呢個時期嘅發展過程係會不斷跌碰。
呢個時期嘅幼兒會對親人產生強烈依戀。當幼兒同你分開，佢地可能會感到不安，分離焦慮就係呢個年齡層發展嘅典型特徵。
🔅13至15個月🔅
🚼大肌肉能力訓練
1️⃣ 扶助踏步訓練：例如幼兒同你各捉住毛巾嘅一端，畀佢適應較輕嘅扶助，唱住歌咁引導幼兒踏步
2️⃣ 以玩具引導幼兒爬梳化
3️⃣ 矮凳仔企起身：以玩具引導幼兒從低位起身
4️⃣上肢肌力及協調訓練：當幼兒同大毛巾玩快樂傘！將氣球或者公仔放上去晃動！
👁️小肌肉能力訓練
1️⃣膠樽倒物：預先將小型食物放入膠樽，引導幼兒倒出
2️⃣捕光捉影：喺漆黑嘅環境入面，開著電筒，引導幼兒拍打光影
3️⃣積木層層疊：畀幼兒疊起積木塔
4️⃣ 玩Cream/顏料
👶🏻社交及認知訓練
1️⃣給幼兒充足擁抱、同親吻：建立同理心同正向關注有助於孩子情緒發展
2️⃣開放式玩具：嘗試積木、波仔，呢啲無規則性、發揮創意嘅玩具
3️⃣命名並談論日常事物、 身體部位、玩具或家居用品：- 培養幼兒嘅語言技能。例如了解「櫈」可以係「高櫈」、「紅櫈」等等
4️⃣一齊閱讀、講故事、唱歌去鼓勵幼兒說話同想像力
👁️ 小肌肉能力訓練
1️⃣ 堆疊積木：提供唔同顏色同形狀嘅積木俾小朋友砌，有助手眼協調同解決問題嘅能力。
2️⃣ 簡單拼圖：用大塊拼圖有助於練習細肌肉技能同辨識圖案。
3️⃣ 繪畫：提供蠟筆或者畫板進行塗鴉同繪畫。或者手指繪畫，用無毒手指顏料進行感覺遊戲同創意表達。
4️⃣ 泥膠遊戲：畀小朋友任意塑造同成型，可以激發創造力並加強手部肌肉。
🔅16至18個月🔅
🚼大肌肉能力訓練
1️⃣ 疊高大型物件（如廁紙）：建立空間感，再畀佢地推跌
2️⃣ 瀡滑梯：促進前庭發展，強化坐嘅平衡
3️⃣ 吹泡泡，畀幼兒追住督：提高步行平衡及追視能力
4️⃣跨欄提腳訓練：用雜物如長遮形成障礙，訓練步行平衡、腳眼協調；方便幼兒發展上落樓梯、踢波呢啲動作
5️⃣手腳協調訓練：玩推波
👁️小肌肉能力訓練
1️⃣用蠟筆在紙上隨意塗畫（任何一種握筆法）
2️⃣ 玩泥膠/麵團（如小朋友經常放物件入口）
3️⃣ 扭蛋玩具：訓練幼兒扭動手臂呢個動作
4️⃣ 用叉進食：例如食一啲水果粒
👶🏻社交及認知訓練
1️⃣陪伴喺幼兒身邊：當幼兒探索時，如果你喺附近，會令幼兒有信心自己嘗試新事物
2️⃣鼓勵社交遊戲：畀幼兒同其他幼兒一齊玩
3️⃣與幼兒一來一回地玩，例如：玩推波
👨👩👧👦 社交訓練
1️⃣ 家庭參與
🏡 家務幫手：畀一啲簡單嘅家務，例如幫忙抹枱或將洗好嘅衣服放入籃。
🧑🍳 烹飪活動：喺廚房同父母一齊簡單烹飪，例如洗水果或攪拌食材。
2️⃣ 社交能力
👯 朋友互動：通過遊戲同活動教導小朋友如何分享，例如輪流推車或建造積木塔。
🙏 表達感謝：教小朋友講多謝同唔該，以及如何禮貌地要求幫助。
🎮 模仿遊戲：使用公仔、絨毛玩具或扮演唔同社交情境，或者玩煮飯仔。
‼️記住每個小朋友嘅發展節奏都係獨特嘅，以上只是一啲指導性建議，唔好強迫小朋友進行佢地未準備好嘅活動。最重要係創造一個充滿愛、支持同鼓勵嘅環境，滿足小朋友獨特嘅興趣同需求。另外成長指南暫時告一段落,之後會教各位父母點樣及早發現各種兒科疾病同相應的處理方法!
😊 希望幫到各位新手爸媽啦！