骨刺其實係咪無得救？
🦴骨刺其實係咪無得救？🦴
骨刺呢個名細細個已經聽過，唔知幾事開始，喺普羅大眾眼中，生骨刺就同痛症橫上等號，或或者會有人誤會，骨刺係好尖嘅刺嚟。
但係鯨魚唔係魚，骨刺亦唔係刺。骨刺(Bone spur)學名叫骨贅(Osteophyte)係骨頭末端或邊緣骨質增生嘅結果，通常發生在兩塊骨頭的交界處。 如果用電腦掃描組成3D重建模，可以見到骨刺其實仰不規則嘅形狀；但通常如果我地用X光睇，3D結構會變成2D，不規則形狀嘅骨就會睇落似尖刺，亦係骨刺呢個名稱嘅由來。
🚼到底骨刺係點形成？
骨刺係身體試圖修復或者穩定關節嘅結果，長時間嘅壓力或者係真軟組織著骨點嘅拉力，會令骨面損傷，刺激骨膜而引起炎症，而加快骨骼代謝，蝕骨細胞不斷吸收骨組織，成骨細胞不斷形成新骨，骨質為穩定關節而過度生長以致超出關節表面，告成形狀不一嘅骨刺。
👌簡單而言，骨刺本身，唔一定會產生痛楚。喺老人家嚟講，骨刺係關節退化過程中所伴隨嘅正常現象；對其他年齡嚟講，骨刺係重複運動磨損所伴隨嘅正常現象。所以骨刺嘅出現係正常現象，除非骨刺擠壓到周邊組織否則大多數嘅骨刺都係無需處理。
⁉️當骨刺撞擊或刺激附近的結構時，先至有機會引起疼痛。
骨刺引起疼痛的原因
疼痛可能由多種原因引起：
1️⃣壓迫或擠壓神經：骨刺壓迫或擠壓神經地生長，導致受影響區域局部疼痛以及刺痛、麻木或無力。
2️⃣發炎和刺激：骨刺存在會導致附近組織（包括肌腱點同韌帶）發炎和刺激，導致受影響嘅關節疼痛、腫脹同僵硬，使關節活動變得唔舒服。
3️⃣關節不穩定或功能障礙：骨刺會影響關節的正常力學，影響其平滑活動並引起疼痛，並可能會限制關節活動或改變關節內嘅負荷分佈，從而導致使用關節時感到不適。
4️⃣幹擾血液供應：喺極少數情況下，大骨刺可能會幹擾附近骨骼或軟組織嘅血液供應，導致疼痛或組織損傷。
🔱咁如果有痛嘅時候應該要點做？
如果懐疑係骨刺壓到周邊組織而導致痛，可以先睇醫生排除危急病患，再轉介物理治療檢查痛症係咪因骨刺擠壓周邊組織所引起同埋擠壓到咩組織。
物理治療師會以不同方式處理去減少骨刺所帶來嘅影響，包括：
📳儀器使用：如熱療或冷療、經皮神經電刺激 (TENS) 或超聲波治療，可以幫助暫時減輕疼痛同發炎，令患者喺較少痛嘅情況下做運動。
🫴🏼手法治療：進行關節鬆動、肌筋膜鬆解等手法治療技術，以改善關節和肌肉嘅活動能力，減輕肌肉緊張，減輕疼痛。
🏋🏻伸展同強化運動：伸展緊張嘅肌肉、改善關節嘅活動範圍以及強化受影響關節周圍嘅肌肉。 加強運動可以幫助穩定關節並減輕疼痛。
🧘🏻姿勢和身體力學：教育患者在日常活動中保持正確嘅姿勢同身體力學，以盡量減少關節壓力並防止進一步損傷。
🥹如果保守治療長期無法改善徵狀，或持續岀現擠塈神經嘅症狀如肌肉無力，感覺異常等，嚴重影響日常生活，先需要考慮到手術。
❤️🩹希望大家記住骨刺唔等於痛或者無得救！大部分骨刺其實係唔影響生活，千祈唔好誤信坊間話食藥，儀器，正骨等可以幫你磨走骨刺呀！同埋骨刺係摸唔到架！
References:
Rothschild, B., & Biehler-Gomez, L. (2022). Osteophytes: The product of convergent evolution. Anatomical record (Hoboken, N.J. : 2007), 305(9), 2113–2118. https://doi.org/10.1002/ar.24843