提升表現 – 週期化訓練
睇緊奧運嘅你可能平時自己都有做開運動。有冇諗過點解啲運動員 🏋🏾可以咁犀利，跑得又快跳得又高 😍? 其實運動員訓練嘅時候同我哋一般人有啲咩分別 🧐？
🔥 今日就同大家講吓一種運動員會用到嘅訓練方法 – 週期化訓練。
週期化訓練的重要性
簡單啲講，週期性訓練就係好似起一棟樓🏠咁樣，要起好個地基先🏗️。運動員會喺比賽之前先提升基礎身體素質，依次為肌肉量、機耐力、肌肉力量和爆發力。隨着賽季接近，逐漸增加專項運動訓練🏋🏾。此外，訓練強度會隨着時間逐漸提升 ⬆️，而訓練量就會逐漸遞減 ⬇️，理論上，咁樣可以令運動員喺比賽時候維持最巔峰的體能狀態 📈。
週期性訓練嘅指標核心有三個，分別係體能，預備度同疲勞度。高訓練量可以提升體能💪🏾，但同時亦提高疲勞度 💤，從而減低整體預備度 ⬇️。而低訓練量雖然可以減低疲勞，但會導致低體能 😪，整體預備度亦不高 ⬇️。咁樣點算? 因為疲勞總是比體能消失得較快 👍🏾，所以通過賽季時間漸漸調整訓練強度 🆙，減少訓練量，就可使運動員的狀態在賽季時達致巔峰 📈。就等我哋講吓賽季唔同時間佢哋嘅訓練方法都有咩唔同啦 🫵🏽。
Periodisation
準備期 （比賽期前多於六星期）
一般準備階段
專項準備階段
目的：於比賽季前增強肌肉力量或耐力，並除比賽時間接近慢慢加入運動專項訓練。
第一轉換期 （比賽前三星期左右）
前比賽期
目的：於比賽季前建立肌肉爆發力，提升運動專項訓練。
週期化訓練
3️⃣ 比賽期
主比賽期
目的：以運動專項訓練為主，根據運動需求和賽季時間決定訓練。
4️⃣ 第二轉換期（比賽其後一至四星期）
後比賽期
目的：使運動員精神和體能回復，以迎接下一個準備期。
今次同大家一齊探討咗運動員日常訓練嘅方式。佢哋嘅訓練係好宏觀咁去睇 🧐，用成年時間規劃唔同階段做唔同嘅訓練 ⚖️。所以一個比賽完結之後已經即刻要諗吓一個比賽嘅部署。最後希望所有運動員都可以喺奧運發揮出平時最好嘅水平，加油 🔥🔥
廷伸文章：
Reference:
Haff, G. G., & Triplett, N. T. (Eds.). (2015). Essentials of strength training and conditioning 4th edition. Human kinetics.